166 Acta Apostolicae Sedis - Commentarium Officiale

consilio factum est ut in Missionales quosdam e Congregatione Clerico-

rum excalceatorum Ssmae Crucis et Passionis Domini nostri Iesu Chri-

sti ipse incurreret, atque anno 1882 huic adscribi ei daretur.

In tirocinio quod in recessu S. Mariae de Casale incepit, in altero vero

S. Eutitii non longe ab urbe Viterbio complevit, totum se perfectionis

studio adeo se dedidit, ut exemplo aliis praeiret, nullus enim vel minimus

defectus in eo fuit notatus. Biennio post, decimoséptimo aetatis anno vix

inchoato, religiosa vota in eodem Recessu S. Mariae exultanti animo

nuncupavit; dein litterariis, philosophicis theologicisque studiis sedulo

incubuit. Clericali Tonsura sacris initiatus, Minores Ordines suscepit;

dum autem in eo erat, ut ad Sacrum Subdiaconatus Ordinem promove-

retur, violento phthisico morbo affectus, die 2 novembris mensis a. 1889,

morientium sacramentis roboratus, divinae voluntati perfecte consen-

tiens, quasi divini amoris impetu ad caelestia attractus, placidissime

decessit.

Sanctitatis fama, qua vivens apud consodales fruebatur, post mortem

extra claustrum erupit, praesertim postquam eius exuviae a. 1923 e

coemeterio in Recessus Ecclesiam fuerunt translatae. Plures porro gra-

tiae> inter quas nonnullae vera miracula esse dicuntur, eo interveniente

feruntur acceptae. Quare Ordinaria auctoritate in Curia Episcopali Ari-

minensi super vita et sanctitatis fama, super scriptis nec non super

paritione Urbani VIII decretis de cultu Servis Dei non praestando con-

structi sunt processus. Duo quoque processiculi rogatoriales super eadem

fama confecti sunt in Curiis Uritana et Ostuniensi.

Quum nulla autographo scripta fuerint inventa, die 18 iulii a. 1928

sacra haec Congregatio decrevit: Attenta non retentione scriptorum

nihil obstare quominus procedatur ad ulteriora. Interim plures postula-

toriae litterae Beatissimo Patri sunt exhibitae, duorum S. R. E. Cardi-

nalium, Archiepiscoporum, Episcoporum, Generalium Moderatorum

Religiosorum Ordinum seu Congregationum, Cleri S. Archangeli de

Romandiola, Coetuum Actionis catholicae Consiliique dioecesani Ari-

minensis Virorumque catholicorum.

Quocirca, instante Rmo P. Aegidio a Sacris Cordibus, Congregationis

Clericorum excalceatorum Ssmae Crucis et Passionis D. X. I. C. Postu-

latore Generali, Emus ac Rmus Cardinalis Alexander Verde Causae

huius Ponens seu Relator, in Ordinariis S. R. C. Comitiis, die 4 mensis

huius habitis, dubium posuit disceptandum : An signanda sit Commissio

Introductionis Causae Bervi Dei Vii a S. Aloisio in casu et ad effectum

de quo agitur. Emi ac Rmi Patres sacris ritibus tuendis praepositi post

relationem eiusdem Cardinalis, audito quoque Officialium Praelatorum