166 Ex Actis Consistorialibus

minator prosynodalis, atque Vicarius in spiritualibus Generalis hucusque renunciatus est.

Neapolis urbs Italiae amplissima, emporium celeberrimum, totius Italiae populosissima, agri Neapolitani caput ac provinciae Terrae Laboris primaria, ad maris mediterranei meridionale litus partim in planitie, partim in colle aedificata, septem fere milliarium est ambi- tus, eamque cum suburbiis ultra quinquagentas mille incolunt cives.

Metropolitana Ecclesia, ampla satis, veterisque structurae, Bmae Virginis Mariae in coelum Assumptae titulo gloriatur, nullius magni momenti eget reparationis et quatuor eidem suffragantur Epi- scopi.

Eius Capitulum triginta cum theologo ac poenitentiario recenset Canonicos in quatuor ordines dispertitos, viginti duos Hebdomada- rios, octodecim.- Beneficiatus quarantistas, aliosque Presbyteros et Clericos divinae rei operam navantes.

Per Vicarium-Curatum perpetuum concursu electum et ab Archiepiscopo adprobatum animarum cura ipsamet exercetur in Metropolitana.

Quamplurimae insuper recensentur Neapoli paroeciales Eccle- siae baptismali fonte munitae, earumque altera sub titulo S. Ioannis Maioris est etiam Collegiata ; nonnulla praeterea virorum ac mulie- rum monasteria, plures laicorum sodalitates, non pauca nosocomia et conservatoria, mons pietatis ac duplex seminarium.

METROPOLITANAM ECCLESIAM MONACEN, et FRISINGEN. vacan, per obitum bo. me. Gregorii Scherr ultimi illius Archiepiscopi extra romanam curiam defuncti; Sanctissimus ad nominationem Serenis- simi Bavariae Regis vigore Indulti Apostolici, evexit ad memoratam Ecclesiam R. D. Antonium Steichele ex legitimis, catholicis, hone- stisque parentibus in vico Mertingen Augustanae dioeceseos prope Donauwoerth progenitum, et sexagesimum secundum aetatis suae annum supergressum. Ad philologicum studium intendens animum et Augustanae dioeceseos historiam in lucem emittens, illius Eccle- siae Cathedralis Vicarius, Canonicus dein, atque Praepositus hucus- que renunciatus est.

Monacum et melius Monachium totius regni Bavariae caput, et Regum eius sedes, plano in loco ad laevam ripam fluminis Hisarae sita amplae satis est magnitudinis et monumentis eminet, decem cir- citer mille continet domos una cum suburbiis, atque a biscentum fere millibus inhabitator catholicis incolis et a septemdecim pene mille acatholicis sub temporali dominio praefati Serenissimi Regis.

Metropolitana Ecclesia, magnae molis et styli gothici, Beatis- simae Virginis Mariae titulo gloriatur.

Eius Capitulum duas recenset dignitates, quarum post pontifi- calem prima Praepositura, decem cum theologo ac poenitentiario Canonicos, atque sex Praebendatos Vicarios, quatuor cooperatores,