166 EX S. G. S. R. ET U. INQUISITIONIS

Feria III loco IV, die 23 Iunii 1903.

In Congregatione Generali S. R. et U. Inquisitionis, re ma- ture perpensa, praehabitoque DD. CC. voto, Emi ac Rmi DD. Cardinales in rebus fidei et morum Inquisitores Generales de- creverunt : Standum Instructioni pro Statibus Foederatis Ame- ricae anno 1883 editae (1) et ex Decreto S. O. anno 1891 ad dioeceses Regni Borussici extensae ac responsioni ad 1. in De- creto S. O. lato feria V loco IV, die 30 Iunii 1892, quae ita, se habet: « Coniuges in causis mixtarum nuptiarum subsunt Epi- scopo, in cuius dioecesi pars catholica domicilium habet; et quando ambo sint catholici, quia pars haeretica in Ecclesiam reversa sit, subsunt Episcopo, in cuius dioecesi domicilium ha- bet maritus » (2).

Quando vero agitur de matrimonio mixto contrahendo cum haeretico separato per divortii sententiam tribunalis civi- lis ab haeretica, erit Episcopus domicilii partis catholicae, ad quem spectat iudicare an contrahentes gaudeant status liber- tate.

Sequenti vero feria VI, die 26 eiusdem mensis et anni,. SSmus D. N. Leo div. prov. PP. XIII, per facultates Emo Card. Secretario largitas, resolutionem Emorum adprobavit.

I. Can. MANCINI, S, R. et U. I. Notarius.

(1) Haec celebris Instructio edita fuit a S. Congregatione de Propaganda Fide,,

eamque invenies in Acta S. Sedis vol. XVIII pag. 369. Ad rom nostram facit prae-

sertim § 2, partis primae, quae ita sonat: « Coniuges in causis matrimonialibus

subsunt Episcopo, in cuius dioecesi maritus domicilium habet. Exceptioni locus est

si coniugale vitae consortium aut per separationem a thoro et mensa, aut per di-

sertionem malitiosam a marito patratam, sublatum sil. Priori casu quaelibet pars

ius accusandi contra alteram ipsi competens coram Episcopo dioecesis, ubi haec

domicilium habet, exercere debet. Posteriori casu uxor apud Episcopum, intra cu-

ius dioecesim domicilium eius situm est, actionem instituere potest. Postquam cita-

tio iudicialis intimata est, mutatio quoad coniugum domicilium, facta, mutationem

respectu iudicis competentis minime operatur». Unde regula generalis est, in causis

matrimonialibus esse competentem Episcopum loci, ubi maritus domicilium habet;,

ceterae omnes tamquam exceptiones huic generali regulae habendae sunt.

(2) Integrum decretum habetur in volumine XXVI , pag. 753.