Sacra Congregatio Rituum 167

quoque a Leone XIII benedictum, anno 1896 a Sacra Congregatione Epi­ scoporum et Regularium decretum Laudis emeruit, per Sacrae vero Con­ gregationis negotiis religiosorum sodalium praepositae decretum, die 2 Augusti anno 1909 latum, approbatum fuit ; approbatae quoque eodem die per quinquennium eius Constitutiones fuere. Servae Dei quaenam fuerit mens in hac familia condenda, sic a Sacra Congregatione in de­ creto Laudis effertur : « Praeter propriam sanctificationem per assiduum vitae activae et contemplativae studium assequendam, nec non per con­ sueta obedientiae, paupertatis et castitatis simplicia vota, quae prius ad tempus, et dein in perpetuum emittunt; specialem finem habent : nempe utriusque sexus pueros, praecipue pauperes, christianis moribus im- buunt, eisque sacram catechesim explanant; orphanos in propriis asylis instituunt ; pueros ac feminas infirmas in suis hospitalibus nulla soluta mercede solantur; mulieres ut spiritualibus exercitiis vacent, in pro­ prias domos recipiunt ; nec non ad exteras Missiones... Iubenti hilarique animo pergunt... ».

Hoc autem institutum late per orbem, in Polonia praesertim et in bo­ reali America, Servae Dei opera propagatum, laetos uberrimosque salutis animarum fructus Ecclesiae affert. Maria a Iesu Bono Pastore, quod no­ men Francisca in religione assumpserat, sollicita mater, non solum sa­ pientibus epistolis suas filias ad viam religiosae perfectionis impellebat, sed etiam saepissime, huc illuc per diversas regiones discurrens, insti­ tuti domos invisens, ut sorores in humilitatis, simplicitatis atque cari­ tatis sanctae Familiae spiritu formarentur, neque abusus irreperent, verbo quidem, maxime vero exemplo, vigilantissima fortiter suaviter- que curabat.

Laboribus morboque fracta, sacramentis omnibus ex Ecclesiae insti­ tuto procurata, circumsepta flentium filiarum suarum corona, eas ad caritatem cohortata, in domum Domini ibimus atque dulcissima Iesu, Mariae, Ioseph nomina levissime murmurans, die 21 Novembris a. 1902, in alma hac Urbe excessit e vita.

Sanctitatis fama, qua vivens honestabatur, post eius obitum magis magisque erupit. Quare Romae Ordinaria auctoritate iuridicae inqui­ sitiones annis 1922-1927 peractae sunt ; rogatoriales vero in Curiis Craco­ viensi, anno 1923, Parisiensi anno 1925, Westmonasteriensi anno 1926 et Chicagiensi annis 1925-27. Revisione scriptorum peracta, die 27 No­ vembris anno 1937 nihil obstare decretum est quominus ad ulteriora procedi posset.

Quare, instante R. P. D. Ioanne Bressan, Protonotario Apostolico, Canonico Vaticano, Causae Postulatore, attentis quoque Postulatoriis