Sancti Iacobi de Chile 167

sententia 27 septembris 1901 beneficium illi denegavit, quia capellanía pro clericis ad sacros ordines promovendos, non autem pro ordinatis esset instituta. A quo iudicio praefatus sacerdos huic Sacrae Congni appellavit, iuspatronatum pas- sivum expostulans controversae capellaniae, necnon admini- strationem bonorum, quae capellaniae eique adnexae operae piae pertinent.

Allegationes Actoris. Pluribus argumentis actor ius suum vindicare satagit. Et primo quidem asserit testatorem pro scholae et capellaniae erectione statuisse sanctimonialis filiae partem legitimam, eamque unam et indivisam voluis- se, cuius fructuum dimidia pars scholae cederet, altera vero capellaniae. Constat enim, idem ait, ex tabulis fundationis, sequuta designatorum morte « illa bona pro medietate fructuum ad scholam, et pro altera parte ad capellaniam instituendam designari ». Quapropter testator statuere non intendit duo entia ab invicem independentia et separata quoad patrimo- nii administrationem, sed duas fundationes ex fructibus unius patrimonii existentes et uni administratori subiectas. Insuper cum in dispositione testamentaria habeatur, quod « capellani legitime ex testatore descendentes invigilare debeant super conservationem et prosperitatem scholae, et applicationem Missarum in perpetuum curare », sequitur ad capellanum rite institutum curam etiam et administrationem bonorum ad scho- lam pertinentium de iure spectare.

Secundo animadvertit sacerdos Tagle fundationes, de qui- bus agitur, a testatore decretas esse nunc pro tunc, secutu- ras nempe post suae uxoris ac liberorum mortem, putans quod post mortem uxoris filius suus Ioachim fructibus bonorum libere uti valeret. Ideoque, cum civiles leges successivum usum- fructum irritent atque sacerdoti Ioachimo illud denegassent, nihil obstat quominus Ioachimo vivente, legitimi descendentes a pio testatore, qui requisitas conditiones praeseferant, ius habeant ut patroni, capellani et administratores nominentur