674A Rursus vero lucernæ sunt ¹⁷, per Ecclesiam omni sæculo velut sublata face salutis lucem prætendentes, qui ejus concinnam ac elegantem compositionem, ordines complent. Ut sub exemplo loquar, sapiens divinorum sublimiumque dogmatum ac mysteriorum doctor, lucerna est, ea patefaciens quæ vulgo hactenus obscura sunt. Qui perspicacia mentisque solertia, sapientiam quam inter se perfecti loquuntur ¹⁸, diligenter audit, alia lucerna exsistit, qui velut gnavus ac solers auditor, eorum, quæ dicuntur, veritatis lucem custodiat. Qui autem consilio comite, pro eo ac negotiis rebusque congruit, occasiones ac momenta discernit, verbisque ac doctrinæ convenientes modos adinvenit, nec incommode alia aliis coincidere invicemque confundi 674B sinit, hic quoque tanquam admirabilis consiliarius ¹⁹, lucerna alia enitet. Qui autem violentarum tentationum incursus, haud secus ac beatus Job ac strenui martyres, inconcussa mentis constantia suffert, fortis lucerna est, qui et ipse inexstinctum salutis lumen, virilis patientiæ indole incolume servet, Dominum fortitudinem ac laudationem habens ²⁰. Qui vero nequissimi fraudes exploratas habet, inaspectabiliumque præliorum congressiones non nescit; hic quoque scientiæ luce collustratus alia lucerna est, qui magno Apostolo affini voce sensuquc dicat : Non enim ignoramus cogitationes ejus ²¹. Porro, qui vitam mandati custodia pie virtutibus directam colit, alia lucerna exsistit, qui 674C velut pius ac religiosus, pie moribus pietatem astruat. Qui autem judicii exspectatione trepidus, aditum vitiis in 240 animum ac perturbatis motibus continentiæ septo præclusit, lucerna alia evasit; qui diligenti opera quas contraxit vitiorum sordes timore Dei diluat, innaturalibusque inquinamentis detersis, dilucidam ac splendore micantem vitam reddat.

674D Emundationem igitur, his qui virtutum digni munditia sunt, per timorem et pietatem ac scientiam Spiritus sanctus consciscit; rerum autem secundum quas exsistunt rationes scientiæ illustrationem, his qui digni luce exsistunt, per fortitudinem et consilium ac intellectum prudentiamque donat : perfectionem vero, per lucidissimam simplicemque et plenam ac consummatam sapientiam, his qui deificatione dignantur, tribuit, ad rerum Auctorem immediate per omnem modum, quantum hominibus concessum est provehens, qui ex divinis duntaxat proprietatibus dilucescant; qua videlicet ex Deo seipsos, exque seipsis Deum cognoscant, nullo, quod intersepiat interjecto medio (sapientiæ enim nihil cum Deo medium est), quos nempe futurum, ut nulli noxæ obnoxiam immutabilitatem consequantur, cunctis prorsus mediis superatis, in quibus periculum erat, ne quandoque scientiæ error obreperet; ac cum ad ipsam infinitam, infinitum-