168 SERVITII CHORI

Testaméntame dispositioni Petri Messina innixi Canonici ab eodem instituti, quibus nempe iniungitur Poenitentiae Sacramen- tum administrare, arbitrati sunt vacare posse sacramentalibus confessionibus excipiendis, tempore divini officii, quin distribu- tionibus privarentur quotidianis ; quod forsan alii Canonici gra- vato animo ferentes querelam Episcopo praebuerunt, ut ad com- munis legis observantiam illos revocaret. Amicalibus primo ac repetitis monitis duobus abhinc annis adnisus est Antistes Ca- nonicos ad choralem disciplinam custodiendam compellere, sed contra promissiones ab iisdem, ut ipse refert, continuo datas, omni spe frustratus sub die 9 Martii superioris anni 1878 man- datum edidit, ut, excepto Cantore (in quo uno parochialis cura nunc residet) et Poenitentiario, alii Canonici qui tempore divini officii fidelium confessiones audirent, distributiones quotidianas amitterent, atque insuper incurrerent in poenam suspensionis a celebratione Missae pro una die subsequenti violationem man- dati. Tunc Canonici ad s. Sedem recursum habuerunt quoad di- stributionum quotidianarum amissionem, et quoad suspensionis poenam.

DEFENSIO CANONICORUM. EX quo Canonici suspensionem ab Episcopo comminatam prae caeteris impetunt, hinc ipsa haud substineri contendunt, primo quia absentibus a Choro iam prae- stituta est poena amissionis distributionum a Conc. Trid. sess. 24 de reform, cap. 42; eamque proinde Episcopus alia poena gra- vare non potest. Secundo* quia animarum curam habitualem ha- bere reputant, actualem autem in defectu Cantoris, seu Parochi ; quo in casu eamdem curam exercet iure proprio Canonicus de turno.

Haec de iure; in facto autem alia nonnulla adiiciunt, qui- bus opportunum et necessarium ostendere conantur ministerium Confessorum tempore divini officii. Praeterquamquod id obtinet ex diuturna observantia, ab erectione nimirum Collegiatae ad diem inflictae suspensionis; ea tamen religiosa prudentia, ut numquam in choro media pars Canonicorum deficeret. Hoc autem