164.

In festo sanctae Annae.

1 a. Dulcis Iesu matris pater,
Ioachim, et Anna mater,
Iusti, natu nobiles,

1 b. Florent rebus ac virtute ;
Ac transacta iuventute,
Dum putantur steriles,

2 a. Ex his prodit flos Maria,
Florem florum virgo pia
Ferens, Dei filium,

2b. Flos decoris et virtutis,
Flos odoris et salutis,
Fragrans sicut lilium

3 a. O Iudaea,
Mortis rea,

Cur non credis
Et oboedis,

Ut claros christiferae

3 b. Genitores

Nunc honores,
Honorata
Et ornata

Tanto Dei munere?

4 a. O Maria, flos parentum,
Mundi decus, ornamentum.
Salus, lux, laetitia,

4 b. Fac concives angelorum,
Qui tuorum genitorum
Efferunt praeconia.