CREMONEN. 169

causa suppressionis formiter probari debet : fides quippe adhi- benda non est Episcopo supprimenti quoad suppressionis cau- sam, nisi sit eadem concludentissime probata. Corrad. in praxi Benef. lib. 2, cap. 8, n. 33 et 34. - Rota coram Cavalerio in decis. 439, n. 6, in Camerinen. Parochialis 13 Septembris 1777 § Utramque.

DEFENSIO PAROCHI S. ABUNDII. E X alia parte s. Abundii parochus enixe instat ad sibi vindicandam iurisdictionem in ecclesiam s. Facii. Iam sub die 21 Aprilis 1892 ad S. C. C. recurrit petens ut dignaretur decretum Ordinarii confirmare diei 1 Augusti 1884. Hodie etiam in suis allegationibus proferendis revocat rationes, quibus tunc ipse innitebatur, quaeque omnes reducuntur ad ea documenta quae ab initio huius saeculi, usque ad Episcopi invocatam sententiam pro- lata sunt, adiudicantia parocho s. Abundii iurisdictionem parochialem in ecclesiam s. Facii. Vim et originem vero horum documentorum iam significavi in factorum enarra- tione.

Hisce fretus parochus, miratur quod Capellani non ac- quiescentes voluerint provocare decretum S. C. C. anni 1892 iam relatum, quodque in suam partem interpretatur.

Advertit enim rescriptum loqui de iurisdictione Cappel- lanorum independenti, sed solummodo « sopra i soli infermi nell'ospedale » quam iurisdictionem observat exerceri non posse nisi in oratoriis, intra Hospitalis septa conclusis, non in ecclesia s. Facii, quamvis haec subsit iuripatronatus Ho- spitalis.

Deinde enarrans contentiones enatas inter ipsum et cap- pellanos ait, derivatas esse a perversa rescripti interpreta- tione, qua cappellani opinantur ipsis adiudicatam fuisse pa- rochialem iurisdictionem in ecclesiam s. Facii ; a quo pro- pterea omnino excludere nituntur parochum s. Abundii.

Hic praesertim post rescriptum S. C. C. profitetur non- nullas functiones in ecclesia s. Facii Cappellanis Pii Loci competere; quapropter recedens ab intentione erfiagitandi confirmationem sententiae Ordinarii anni 1884, nunc solum-