165. De sancta Anna.

1 a. Felix mundus,

ex caeli lumine
Mira sursum
in altitudinc,
De stellarum ordine
Fulgens pulchritudine,

1b. Magis felix

Annae progenie,
De qua natae

tres sanctae filiae
Clara gignunt sidera
Astraque stellifera.

2 a. Prima parit

Mariam caelicam,
Quae praecessit
vitam angelicam
Florens arca gratiae,
Templum regis gloriae;

2 b. Haec, quam Deus

servavit virginem,
Verum Deum

parit et hominem,
Caelum sapientiac
Solemque iustitiae.

3 a. Hic praedulcis

in suo sanguine
Nos expulsos
lavit a crimine,
Adoptans in filios
Et regni consocios.

3b. Iustum parit

Iacobum altera,
Ioseph, Iudam,
Simonem socia,
Viros apostolicos,
Virtute magnificos.

4 a. Hinc Maiorem

Maria Iacobum
Sequens parit

Iohannemque probum,
Qui Christi mirificum
Scripsit evangelium.

4b. Anna Dei

tot beneficiis
Coniugatis

praeit et gratiis,
Tot stellis novitiam
Ditavit ecclesiam.

5 a. Dele nostras,

Anna, miserias ;
Deus in te

monstrat eximias
Virtutes potentiae
Dotesque clementiae.

5 b. O Maria,

dulce refugium,
Confer Annae
per patrocinium
Nos sanctorum gaudiis
Perfrui perpetuis.