170

EX S. RITUUM CONGREGATIONE

C O N C H I N C H I N E N . - D E C R E T U M beatificationis seu declarationis Martyr i i Pet r i Lud sacerdotis in odium fidei interfect i .

Saeviente persecutionis procella anno MDCCCLIX in regionibus Vicariatus Apostolici Cochinchinae Occidentalis, inter strenuos Con- fessores, qui pro Christo gloriosam mortem obierunt, maxime enituit ven. Dei servus Petrus Luti sacerdos indigena. Qui quum Christianos in carcere urbis Mitho detentos frequens visitaret, ut eos solaretur, postremo a satellitibus agnitus et in carcerem trusus, iudiciali senten- tia propter Fidei confessionem ad morteni damnatus, ineunte anno MDCCCLXI capite plexus fuit. Pertinet is ad coronam triginta qua- tuor Martyrum, quorum Causae Commissionem Sanctissimus Domi- nus Noster Leo Papa XI I I die 13 Februarii anno MDCCCLXXIX signavit. Verum quum eo tempore documenta authentica de eius mar- tyrio a Vicario Apostolico tunc diligenter collecta ob persecutionis vicissitudines periissent, nomen ipsius in Causa eo anno introducta includi haud potuit. Hodiernus autem Vicarius Apostolicus Conchin- chinae Occidentalis praeclara eiusdem ven. servi Dei fama sanctitatis permotus, de eius martyrio Processum ordinarium rite construxit, atque ad Apostolicam Sedem transmisit. Hinc ad instantiam Hev. Patris Francisci Xaverii Cazenave Procuratoris generalis Seminarii Parisiensis Missionum ad exteras gentes et Postulatoris Causae prae- fati ven. servi Dei, Sanctissimus idem Dominus benigne concessit ut Dubium super signatura Commissionis introductionis huiusce Cau- sae pertractaretur eodem prorsus modo, forma ac peculiari Sacrorum Rituum Congregatione, sicuti actum est pro introductione Causae aliorum triginta quatuor venerabilium Servorum Dei Stephani Theo- dori Cuénot Episcopi Metellopolitani et Sociorum , praevia tamen exegesi a s. Fidei Promotore elucubranda. Hanc porro peculiarem Congregationem constare voluit Sanctitas Sua, per decretum diei 8 Iunii 1888, ex EmisRmis Cardinalibus Pitra, Oreglia a S. Stephano, Ledochowski, Parocchi, Schiaffino et Bianchi praefecto et relatore ; una cum Praelatis Officialibus. E vivis postea erepto cl. me. Cardinali Pitra, eadem Sanctitas Sua , per Decretum diei 8 Aprilis vertente anno, substituit Emum et Rmum Dnum Cardinalem Laurenzi S. H. C. Praefectum, ut una cum Cardinali Bianchi relatore ceterisque Cardi-