170 PLATIEN.

etiam ex aliis attestationibus ipsius v i r i , quae in eiusdem litteris leguntur.

Ulterius observari etiam potest quod maxime intererat familiae viri curare ne matrimonium consummaretur ante celebrationem actus civilis ; in casu enim quo hic celebrari non potuisset sive vi legis militaris, sive viri malitia, prae- sto esset remedium dispensationis matrimonii rati ad sal- vandam mulieris sortem.

Tandem neque discrepantia in accidentalibus tanta est, ut damnari debeat mendacii unus vel alter coniux; facile enim oblivioni tribui potest quod ait Ioannes de duplici mora in domo mulieris ita, ut prior mora potius respiciat tempus quod celebrationi matrimonii antecessit, quam tem- pus subsequens ; quae interpretatio conformis est testimonio alterius coniugis atque testium, qui de hac secunda mora dicunt Ioannem cum sponsae fratre dormiisse , ut ipse vir testatur, atque praeterea consona est litteris missis ab eo- dem e civitate Caltanisetta et exceptis a Iosephina mane die 19 Aprilis, ac proinde scriptis die 18 seu duos post dies ab initis nuptiis.

Ceterum quod deest argumento morali suppletur per ar- gumentum phisicum desumptum ex mulieris inspectione.

Tres obstetrices ex officio deputatae atque a duobus me- dicis chirurgis edoctae, de quibus omnibus testatur paro- chus : « sono persone degne di fede e di timorata coscienza >, praemisso balneo ad normam Inst. S. C. C, meridiem in cubiculo luminoso, praesente matrona, inspectionem mulieris singillatim perfecerunt, atque unaquaeque sub iuramenti fide deposuit de integritate corporis mulieris.

Quamvis maiorem adhuc efficaciam huiusmodi deposi- tiones habuissent, si praeter hymenis integritatem de ce- teris etiam virginitatis signis, quae ab Auctoribus Medicinae Legalis assignari solent Zacchiae Quaest. Med. Leg. lib. 4 tit. 2 q. 1 et passim omnes, distinctius deposuissent ; tamen negari nequit praecipuum virginitatis signum èsse hymenis integritatem, nec dubitari potest quin etiam alia signa ad