166. "In festo s. Matris Annae."

1 a. Gaude, rutilans aurora,
Felix Anna et decora,
Quot nunc angelica ora
Te laudant cum filia !

1b. Anna recte nuncupans,
Gratia interpretaris,
Partus tuus salutaris
Tot salvavit milia.

2 a. Gaude, quia concepisti
Matrem Dei Iesu Christi,
Hanc Mariani peperisti
Magna cum laetitia;

2b. Quam angelus salutavit:
"Paries filium David" ;
Quam Ioachim procreavit
In sua iustitia.

3 a. Paris inde duas pias,
Parens fecunda, Marias,
Quarum nati nobis vias
Vitae praedicaverant.

3 b. Hi caelorum in conventu
Angelorum cum concentu
Tecum pio interventu
Coronas aeceperant.

4 a. Salve, mater matris Christi,
In morte salvatrix tristi,
Nos ad dextram iube sisti
Ducens ad caelestia.

4b. Ergo, Anna, nos emenda,
Emendatos nos commenda
Tuis natis ad habenda
Sempiterna gaudia.