CONSULTUM LEGALE 171

quin a civili Potestate assensum expetierit, Ecclesiis Italiae ca- thedralibus Pastores dedit : quae quidem acta, quoniam cum praece- dentibus concessionibus componi non possunt, earum proinde abro- gationem manifeste continere, praeseferre et confirmare dicenda sunt; ut Richerius docet eod. Tit. De Privilegiis art. 203. - Nec item ullum argumentum contra thesim nostram ex facto deduci posset, quod nimirum in quibusdam electionibus peragendis post annum MDCCCLXXVIII Regis assensus ac nominatio intercesserit. Nam, quamvis iste civilis Potestatis interventus, ob tristissimam temporum conditionem, ad graviora mala vitanda quandoque fuerit ab Ecclesia tole ratus, nequaquam tamen, ut in aliis huic similibus eventis Doctores arbitrantur, sive iura, quae cuipiam competant, immutare; sive eligendi potestatem, quam sibi iam Ecclesia denuo vindicarat, compedire quidquam potuisset. Sed praeterea in hac praesenti quaestione, si facta serio riteque considerentur, satis ap- paret, Regis assensum ac nominationem haud ita in electionibus peragendis intervenisse, sicut intervenire solet Patronus, qui eli- gendum quemque nominat ac proponit, sed tantummodo gratia pro- sequendi favore virum Episcopatui iam ante a S. Sede destinatum, accessisse ; ut iure merito ipsa electio a Summo Pontifice libere facta dici possit. Igitur pro certo est habendum, privilegiorum, quae ex supra memoratis concessionibus dimanarunt, amissionem, non modo per ea, quae lege statuta sunt, contigisse ; verum etiam Auctoritate suprema, qua Ecclesia regitur, declaratam fuisse san- citam, atque confirmatam.

Verum quidem est Italici Regni Moderatoribus, per regium, quod vocant, Placet, vel Exequatur, facile suppetere argumentum ponendi óbices, quominus novi Episcopi ac Praesules sua potestate utantur. Atqui haec optimi iuris nova laesio est. Cuivis enimvero, qui quod iustum et honestum est diligit, huiusmodi regii Placet seu Exequatur , quo se illi Ecclesiae administrationi immiscent, ac S. Sedis constitutis libere exequendis obstacula oggerunt, inconve- nientia satis apparet. - Ecclesia numeris omnibus absoluta Societas est, at a civili apprime distincta: utraque sua iura habet atque confinia. Si summus Pontifex omnibus Principibus suam ipsorum potestatem libere exercendam sinit, profecto et ipsi debent Pontifici propriae potestatis usum liberum sinere. Est igitur gravissimus error, ius ea quae Ecclesia praecipit vel agit ad examen revocandi, et, quod inde consequitur, eorum executionem vel permittendi vel impediendi, civilis Potestatis iuribus accensere.