172. De sancto Bonaventura.

Ad Nocturnum.

1. Lauda Deum, plebs fidelis,
Cum suavi carmine,

Cum quo regnat cardinalis
De minorum ordine,

Vir excellens et subtilis
In sacro dictamine.

2. Timens Deum, simplex, rectus,

Ab ipsis cunabulis
Atque Deo consecratus

Adhuc membris parvulis,
Ab aeterno deputatus

Caeli tabernaculis.

3. Si quis mundi cruciatus

Evitare satagit,
Hunc beatum deprecatus

Mox optata recipit
Et a malo liberatus

Vitam quietam peragit.

4. Quare omnes inclinati
Effundamus supplices
Vota divae maiestati,

Ut post caeli turbines
Cum hoc sancto coronati
Illi simus comites.