172

exantlandos, uni Deo confi sa, cuius voluntati plane adhaerere sanctum

habuit. In condenda ac regenda etiam Sodalitate stupenda virtutum

praebuit exempla. Quare sanctitatis fama dum vivebat Serva Dei fruita

est, et modo, post pretiosum obitum, adhuc fruitur. Exinde factum est

ut mature informativi processus super hac fama, scriptis ac cultu nun-

quam praestito in Curiis Romana, Albanensi atque Salisburgensi, ab

anno 1929 ad annum 1934 atque per rogatoriales litteras in quindecim

aliis Curiis fuerint constructi, ad Urbemque delati.

Postulatoriae quoque litterae a duobus Cardinalibus, octoginta qua-

tuor Archiepiscopis, Episcopis, Vicariis Apostolicis, a septem supra

decem Praefectis Apostolicis aliisque missionum Superioribus, nec non

ab Episcopis in concilio una cum Delegato Apostolico in oppido Kwiro

in Africa collectis Summo Pontifici reverenter transmissae sunt, ut di-

gnaretur Sacrae Rituum Congregationi committere causae Introdu-

ctionem.

Servatis itaque omnibus de iure servandis, Rmo P. Carolo Mieci-

nelli S. I., Postulatore legitime constituto, instante, in Ordinario eius-

dem Sacrae Congregationis coetu, die 23 mensis huius ad Vaticanas

aedes habito, Emus ac Rmus Cardinalis Alexander Verde, causae Po-

nens seu Relator, dubium disceptandum proposuit : An signanda sit

commissio Introductionis causae in casu et ad effectum de quo agitur

atque de eo retulit. Emi ac Rmi Cardinales, audita hac relatione, au-

ditis quoque Officialium Praelatorum suffragiis, nec non R. P. D. Sal-

vatore Natucci, Fidei Promotore generali, omnibus mature perpensis,

rescribere censuerunt : Affirmative, nempe : Signandam esse commissio-

nem si Ssmo placuerit.

Facta autem Ssmo D. N. Pio Papae XII , die 26 eiusdem mensis, ab

infrascripto Cardinali relatione, Sanctitas Sua, rescriptum Eminentis-

simorum Patrum ratum habens, commissionem Introductionis causae

Servae Dei Mariae Teresiae LedócTiowska propria manu signare dignata

est.

Datum Romae, die 26 Ianuarii a. D. 1945.

£8 C. Card. SALOTTI, Ep. Praen., Praefectus.

h . £ i S.

A. Carinci, Secretarius.