172 MEDIOLANEN.

Hoc in probatis habetur, nempe constituto Regno Italiae sub imperio Napoleonis I, quamdam Ecclesiam S. Gottardo dicatam, et Regali Palatio continentem, in Cappellani Au- licam addictam fuisse. Nihilo secius Ecclesiam S. Fidelis eumdem titulum retinuisse, contendit hodiernus Ecclesiae Praepositus. Cuius argumenta., etsi invicte non probarent suam intentionem, saltem plane evincunt, etiam nunc Italiae Regem frui iure patronatus in dictam Ecclesiam, praesen- t a t o , vacante praebenda Praepositi, sacerdotem in eadem ab Ordinario instituendum.

Postquam S. Mariae Scalensis Collegiata fuit suppressa et Praepositus, non amplius collegio canonicorum circum- datus, sacras functiones peragere coepit cum insignibus Pon- tificalibus, quasi hoc esset a iure alienum, videtur non parum displicuisse et Capitulo Ecclesiae Cathedralis et Archiepi- scopo. Re quidem vera Archiepiscopus Cardinalis Gaisruk, postquam per tolerantiam Praeposito Visconti permiserat usum Pontificalium, eumdem prohibuit successori Iulio Ratti, iuxta intentionem iam expresse manifestatam per litteras diei 7 Septembris 1831.

Praepositus ita Archiepiscopi voluntati obsecutus est, ut veluti continuo contra hanc praescriptionem protestare- tur, partim usus caeremoniis Pontificalibus, partim nonnulla insignia Pontificalia praeferens in solemnioribus functionibus.

In plenam vero horum iurium vindicationem idem Prae- positus anno 1851 a Curia archiepiscopali mediolanensi, suorum privilegiorum petiit recognitionem ; et demum an- no 1893 hodiernus Ecclesiae Praepositus quaestionem pro- movit apud S. C. C. petens recognitionem et confirmationem huius privilegii, tantum utendi intra Ecclesiam, non extra, et statis diebus solemnioribus, iisdemque paucis.

Disceptatio Synoptica

QUAE FAVENT PRAEPOSITO. Orator, memoratis Clemen- tis VII et Clementis XIV amplissimis concessionibus, adver- tit, huiusmodi privilegia ab eo tantum abrogari posse qui