176.

1. Evangelizo gaudium,
Quod salvator omnium
Natus est de virgine,

gaudete,
Sicut sancti testantur

prophetae.
Emmanuel vocabitur,
Nobis commorabitur,
Animo et corde

vigilemus
Et cum angelis nunc

decantemus:
R. In excelsis gloria

Sit divinitati,
Pax in terris patria

Bonae voluntati,
Nos ab idolatria

Sumus liberati.

2. Amoris vis mirabilis,
Via investigabilis,
Juvenis ad virginem

ingressus,
Fit a patre filii

processus.
Humana divinitas,
Divina humanitas,
Adest splendor et figura

patris,
Adest nomen virginis

et matris.
R Continet in gremio

Verbum incarnatum,
Verbum in principio

Indesinens prolatum,
Legis sub silentio

Mundo renovatum.

3. Haeres in regno nascitur,
Stephanus renascitur,
De coelo rex pro milite

descendit,
Mortem morte primus hic

rependit.
Johannes amantissimus,
Corpore purissimus,
Salutari calice

potatur,
Ad Christi convivium

vocatur.
R Martyres pro Domino

Etiam volentes
Sub Herodis gladio

Esse innocentes,
Sunt pro testimonio

Christi non loquentes.