MEDIOLANEN. 173

tulit, aut ab eius Successore : res enim per quas causas na- scuntur, per easdem dissolvi debent. Quapropter iure consti- tutum est, non posse inferiorem legem superioris tollere vel revocare (Clem. cap. Cum inferior de maior, et obed. God. I. formam, de off. praefert.). Quare praecepto Emi Archie- piscopi Mediolanensis, anno 1831, Praeposito Iulio Ratti facto, in actu institutionis ad Praepositurale beneficium S. Mariae Scalensis, nempe pontificalium privilegium in po- sterum non utendi, nulla est vis tribuenda. Archiepiscopus enim legem Pontificiam attentans, terminos propriae iurisdi- ctionis praetergressus est. Hoc ratio, leges, et doctrina con- corditer proclamant atque decernunt. De iudice S. R. Rota ait, quod si decretum ultra iurisdictionem protulerit, execu- tionem non meretur et impune sperni potest. (Civ. Cast. Nullitatis 27 Martii 1816 coram Serlupi).

Atqui, prosequitur Patronus, solus Romanus Pontifex potest concedere privilegium, ut quis, etsi non Episcopus, tamquam Episcopus se gerat. Solus Romanus Pontifex pot- est concedere privilegium beneficio vel dignitati, ut possidens illum vel illam, ea perficiat, quae ad superiorem ordinem Episcopalem pertinent. Et Praepositus Visconti pontificalia exercuit, ius suum desumendo a Pontificia constitutione, In Supremae, Clementis VII, quae privilegium pontificalium dignitati Praepositurali S. Mariae Scalensis tribuebat, quam ipse pro tempore possidebat.

Ex defectu igitur potestatis, praeceptum revocatorium ab Archiepiscopo mediolanensi, Praeposito Iulio Ratti posi- tum, actu institutionis Praeposituralis beneficii, anno 1831, viribus caret. Eo vel maxime, quia privilegium, natura sua, irrevocabile erat in themate. Agitur de privilegio, quod accessorium est iuri patronatus tempore erectionis vel do- tationis beneficii constitutum, concessum non mera gratia, sed ratione contractus, vel saltem ratione remunerationis, idcirco obligationem naturalem pariens.

Sane, pergit Orator, intuitu donationis bonorum tempo- ralium optimi Principis, Pontifex Clemens VII concessionem