171. De sancta Cuthlmrga.

1. Ave, virgo Deo grata,
Northumbrorum regis nata,

Cuthburga castissima,
Prece carnem carne degens,
Cor et corpus caste regens,

Carnis vincens vitia.
2. Coelibatus ob amorem
Mundi pompam et honorem

Respuisti penitus,
In virtute semper viva,
Vernans, virens ut oliva,

Inspirata coelitus.
3. Sponsa Christo desponsata,
Casta, constans et velata

Velo pudicitiae,
Rosa pulchra nunquam arens,
Sorde carnis semper carens,

Vasculum munditiae.

4. Ope sponsi tui Christi
Hostes trinos devicisti,

Mundum, carnem, Satanam:

Corpus servans illibatum,
Fame, siti castigatum,

Culpae tegens maculam.
5. O coelestis coenobita,
Ad coelestem nos invita

Coenam agni providi,
Ut purgati a peccatis
Jucundemur cum beatis

Stolis albis candidi.
6. Illis, qui te hic honorant
Opem tuam et implorant,

Cito fer auxilium,
Per te sentiant juvamen
Nunc et tandem consolamen

Vitae post exilium.

7. Benedicta o Cuthburga,
Peccatorum faeces purga

Dempta carnis scoria,
Tecum tandem ut locemur
In aeteruum et laetemur

In sanctorum gloria.