174 Ex S. C. Concilii

nem ex Bulla Piana integram solvendam esse sub excom- municationis poena. Deinde idem moratur in refutandis ar- gumentis a parocho adductis. Et sane primo parochi argu- mento, quod nempe pensio libell. 850 sit extincta, quia extin- ctus fuit Convictus clericorum pauperum, in cuius beneficio erat statuta pensio, ob eiusdem incorporationem Seminario factam ; respondet advocatus huiusmodi Convictum non fuisse extinctum sed tantum incorporatum Seminario ac proinde etiam pensionem non fuisse extinctam sed in favorem Semi- narii translatam esse. HQC enim liquet ex eo quod Episco- pus Aversanus tunc temporis expostulavit incorporationem Collegii clericorum una simul cum translatione pensionum in eius favorem, et quod H. S. C. die n iunii 1860 petitam facultatem Episcopo concessit.

Nec minus parochum cavillari, ait patrocinator, cum ab ipso invocantur Apostolicae Constitutiones Innocentii XII et Benedicti XIII interdicentes paroecialia beneficia pensionibus gravari ; siquidem in Piana Bulla pensionis impositiva super paroecia S. Andreae hisce Constitutionibus fit derogatio.

Neque parochus sustinere valet beneficium parochiale ab omni pensionis onere immune obtinuisse, quia, arguit advo- catus, paroecia eidem collata fuit cum omnibus honoribus et oneribus, inter quae etiam pensio recensetur ; quamque prae- terea parochus ipse expresse recognovit, cum eam in medium protulit apud Fiscum, ut tributum vulgo tassa di successione sibi imminueretur.

Item nulla pensionis reductio concedenda est parocho ob rationem desumptam ex temporum vicissitudinibus post pen- sionem impositam superventis, quae paroeciae reditum ma- xime extenuarunt; etenim advocatus ex ipsa Episcopi infor- matione arguit reditus paroeciae hodie vel pensione soluta maiores extare quam erant, pensione non detracta, tempore quo pensio imposita fuit.

Inani autem labore parochus in casu recurrit ad applica-