BAMBERGEN. 175

amabilem seu comitem exhibuit, nunquam vel leve signum amoris sive coniugalis benevolentiae praebuit, sed perpetuo horrorem tum copulae tum ipsius Georgii portendebat. Age porro, nativum mulieris ingenium ita comparatur, ut nun- quam det sui corporis copiam viro, quem non diligit ; a fortiori autem, si insanibus amoribus iam correpta, insu- perabilem persentit aversionem erga virum suum. Conscien- tiarum moderatores saepe comperiunt, quod huiuscemodi uxores, frigidae admodum cum viris suis se produnt ne- gantque persaepe coniugalem copulam, quam tamen 1 liben- tissime amasiis concedunt.

Verum argumentum hoc, cuius vim quisque persentit, enervatur nonnihil a diuturna coniugum cohabitatione, quae sane minime cohaerere videtur cum tanta iugique eorum- dem coniugum aversione. Sed notandum est, quod bonus Georgius, videns uxorem suam sic abalienatam et saepe abs- entem, nec reputavit eam, penitusque neglexit. Ceterum, postquam Georgius rescivit, Annam ad pristinum amasium revertisse, destitit, uti ex utriusque coniugis confessionibus patet, a petendo debito et in cubiculo separato dormivit : quodque ut quisque videt, argumentum inconsummationis roborat. Hinc satis conciliari videtur coniugum aversio cum eorumdem diuturna cohabitatione, quin tamen exinde sequa- tur, quod operi coniugali vacaverint.

Concordes coniugum confessiones tales sunt, ut valeant adstruere inconsummationem matrimonii ; sed abs re non erit hic investigare, quanti in hoc negotio sit facienda eo- rum confessio, aliis verbis, est ipsis tribuenda veracitas? Equidem religiositate et morum probitate, quae veracitatis sunt fundamentum, haud valde commendantur coniuges. Vir enim, praeterquamquod ante solutionem matrimonii cum Anna initi, lutheranae mulieri iam civiliter nupserit, ani- mo nunc recogitat impietatis flagitium admittere, nimirum ab Ecclesia catholica cum liberis suis desciscere, et ad ne- fariam lutheranorum sectam deflectere, si auctoritate Apo- stolica contractum matrimonium non solvatur. Anna vero