Sermo III.

Item, sermo fratris Bonaventurae Parisius, apud Vallem scholarium.

Surge ns Iesus imperavit ventis et mari, et facta est tranquillitas magna, Matthaei octavo .

I n verbis his Salvatorem nostram reddunt commendabilem tria, scilicet condescendens benignitas, qua assurgit ipsum invocantibus; praecellens auctorit as, qua imperat fluctibus sapientibus; evidens virtuositas, qua statim subvenit periculum insinuantibus. Primum, ibi: Surgens Iesus; secundum, ibi: imperavit ventis et mari; tertium, ibi: et facta est tr anquillitas magna .

I. Surgit autem Iesus ad reducendum erran tes ut incipiant; Ieremiae vigesimo quinto: Misit

Dominus ad vos omnes servos suos, Prophetas, consurgens diluculo etc.

Ad erudiendum credentes, ut proficiant; Ioannis decimo tertio: Surgit a coena et ponit vestimenta sua, et cum accepisset linteum, praecinxit se etc.

Ad confortandum perfectos, ut persistant; Marci ultimo: Surgens autem Iesus mane prima sabbati, apparuit primo Mariae Magdalenae.

II. Imperat autem Iesus tria, scilicet paenitere de commissis ; Ecclesiastae quinto : Universae terras rex imperat servienti.

Abstinere ab illicitis; Marci primo: Spiritibus immundis imperat, et obediunt ei.

Moderari in licitis; Ecclesiastici quadragesimo septimo: Salomon imperavit in diebus pacis, cui subiecit Deus omnes hostes.

III. Facit vero Iesus tranquillitatem triformem, scilicet conscientiae contra tempestatem propriae corruptionis; Tobiae tertio: Post tempestatem tranquillum facis et post lacrymationem et fletum exsultationem infundis.

Vitae contra tempestatem impiorum persecutionis; primae ad Timotheum secando: Tranq uillam vitam agamus in omni pietate et castitate.

Gloriae contra tempestatem daemonum infestatione; Sapientiae duodecimo: Tu autem, Dominator virtutis, cum tranquillitate iudi cas et cum magna reverentia disponis nos.