176 IURIUM QUOAD ECCLESIAM

D i s c e p t a t i o s y n o p t i c a .

E A QUAE PRO I OANNE SUNT ANIMADVERSA. E X officio notatum pro Ioanne est, templa materialiter considerata, quoad materiam qua exstructa sunt, quoad locum quem occupant, quoad orna- menta quibus ditantur, cum rebus profanis convenire; ideoque esse posse in hominum commercio, ceu sentiunt Lotterius de re benf. I. 2 q. 4 n. 14, Card. De Luca de iurepatr. disc. 53 n. 3 et in misceli, eccles, disc. 28 n. 12, et de prae&m. disc. 40 n. 9; qui auctor haec scripsit in citato disc. 53. « Quo vero ad concessio- « nem capellae -ac illius iuris honorifici, quod ex capellarum « usuali dominio resultat, cautum non videtur in iure aliquam « licentiam vel consensum Ordinarii requiri; quum nihil detur « spirituale, ut contingit, quando donatur ipsum iuspatronatus « redolens formalem servitutem ecclesiae vel Beneficii; sed do- « nari dicatur illud improprium, ,quod aliqui subalternum, alii « vero melius usuale dominium dicunt, competens ratione rerum « materialium pretio aestimabilium ; adeo ut veniat in hereditate, « atque etiam affectum sit creditoribus et cadat sub eorum con- « cursu, vendique possit pro pretio ipsis materiis proportionate « absque aliqua spiritualitatis mixtura, ex deductis per Barbosam « de iure eccles. I. 2 c. 10; de sepult, n. 18 ». Atque S. Rota in quadam causa coram Cerro, in Romana fideicommissi, die 22 Fe- bruarii 1717, (quam refert Fargna de Iurepatr. p. 2 can. 14 cos. 13 n. 31) animadvertit, quod fundorum possessor, in quibus capella etiam contineatur, si omnia bona alienaverit « cum omnibus et « singulis eorum iuribus, iam distraxisse censetur tam ecclesiam « materialem, quae respectu aedificii eiusque situs et ornamen- « torum dicitur esse in hereditate profana et in hominum com- « mercio, quam mansiones una cum mobilibus, quae veluti ipsius « partes sint... ».

Atqui Dominicum R. primum emptorem émisse coenobium cum omnibus et singulis actionibus, rationibus et •pertinentiis: ergo hoc contractu transiisse videri in Dominicum cum bonis et ipsam ecclesiolam coenobio adnexam, ac acquisivisse in eam ius- patronatus: Ioannem vero successisse in iura eiusdem Dominici, quum coenobium pariter emerit cum omnibus servitutibus, usibus, adiacentiis, quae ad dictum aedificium pertinerent.