176 EX S. G. CONCILII

turpi iugique adulterio ante et post nuptias iam admisso, novum adhuc probrorum facinus adiecit, attentationem sci- licet matrimonii civilis. Qui igitur talia agunt, non viden- tur fidem mereri, quum qui divinae legis excussit iugum, utique potest et in iudicio mentiri. Ast, hoc non obstante, testes omnes voce concordi ipsos a periurii facinore absol- vunt, cómmendantque eorumdem probitatem atque religio- sitatem. Insuper religiositatem et veracitatem ipsis tribuunt : I o . Parochus Norimbergensis, qui de utroque coniuge testa- tur : « Depositiones Georgii et Annae meo iudicio sunt ve- racissimae, semper enim religiosos se habuerunt et habent: omnia considerans, mihi persuasissimum est, omnem collu- sionem coniugum esse seclusam ; 2°. Officialis Curiae Mo- nacensis speciatim de Anna testatur, quod persona mode- sta esse videtur, sed haud magni ingenii, iners et indolens; 3°. Alter Parochus Norimbergensis sic Georgium excusat ab impietatis errore : « Ad protestantismum deficere sibi in mentem venisse ea tantum ex causa quia in statu quo per- severare non posset, iam ex quatuor enim annis se non potuisse refici sacramento confessionis et sancta communio- ne; melius esse se fieri protestantem, quam nullam exer- cere posse religionem ».

Deinde testimonium reddet de eius religiositate, asse- rens: « Georgium esse virum vere religiosum, qui matri- monium civile ea tantum ex causa contraxit, quia ira com- motus erat de dilatione dissolutionis matrimonii, et quia in exercenda caupona uxore summopere indigebat, ideoque sum- ma necessitate cogebatur ». Ex quibus omnibus deducitur, subsumit Theologus, quod coniuges revera fidem merentur, proindeque ipsis credendum est, dum iuramento confirmant, matrimonium carnali copula non consummasse.

Septima manus, quae in utroque processu examinata est, sexdecim testibus conflatur, quorum duo solummodo authen- ticum testimonium de probitate et veracitate retulerunt, de reliquis altum silentium habetur in actis. Huius omissionis causa tribuenda videtur partim incuriae Parochi Norimber-