Sermo IV .

Item, sermo fratris Bonaventurae apud Portiunculam.

Domine, salva nos, perimus, Matthaei octavo.

Tria in his verbis notantur, scilicet affectuosa invocatio divinae maiestatis, devota requisitio divinae bonitatis, discreta insinuatio extremae necessitatis. Primum, ibi: Domine; secundum, ibi: salva nos; tertium, ibi: perimus.

I. Dicunt ergo : Domine. Circa primum nota, quod discipuli vocabant et nos vocare debemus Dominum Iesum antonomastice Deum; ipse enim vere est Deus: propter virtuositatem, qua est terribilis inimicis; Psalmus : Quoniam Deus excelsus, terribilis etc.

Propter veritatem, qua est honorabilis domesticis; primi Regum secundo: Deus scientiarum Dominus est etc.

Propter benignitatem, qua est amabilis egenis; Isaiae quinquagesimo quinto: Derelinquat impius viam suam, et vir iniquus cogitationes suas et revertatur ad Dominum, et miserebitur eius, et ad Deum nostrum, quoniam multus est ad ignoscendum.

II. Circa secundum nola, quod salutem merito debemus invocare a Salvatore exemplo discipulorum salvatorum; ipse e nim salvat nos etc. Salvari autem petunt et egent a tribus, scilicet a debilitate impotentiae succumbentis informibus hostibus; Psalmus : Non enim in arcu meo sperabo etc. Salvasti enim nos de affligentibus nos etc.

A caecitate ignorantiae deviantis a caelestibus luminibus; Isaiae quadragesimo nono : Dedi te in lucem gentium, ut sis salus mea usque ad extremum terrae etc.

A poenalitate miseriae o pprimentis multiplicibus calamitatibus; ad Philippenses tertio: Salvatorem exspectamus Dominum nostrum Iesum Christum, qui reformabit corpus humilitatis nostrae configuratum corpori claritatis suae.

III. Circa tertium nota, quod sine gratiae influentia et caelesti assistentia ad similitudinem discipulorum merito dicimur perire: propter defectum lumi nis interni, ad quod non disponimur; Baruch tertio : Quoniam non Imbuerunt sapientiam, interierunt propter suam insipientiam.

Propter defectum habitus gratuiti, ad quem non afficimur; Psalmus: Quomodo facti sunt in desolationem, subito defecerunt, petierunt propter iniquitatem suam.

Propter defectum exempli sa cri , quod non intuemur ; Exodi decimo Nonne vides , quod perierit Aegyptus ?

Propter defectum consortii boni, quod non sequimur; Michaeae septimo : Periit sanctus de terra, et rectus in hominibus non est.

Propter defectum exercitii evangelici, in quo non occupamur; Psalmus: Qui elongant se a te peribunt, perdidisti omnes, qui fornicantur abs te.

Propter defectum divini praeconii, cui non vacamus; Psalmus : Servile Domino in timore et exsultate ei cum tremore, apprehendite disciplinam, ne quando irascatur Dominus, et pereatis de via iusta.

Propter defectum peccati quotidiani, a quo non cessamus; Osee decimo quarto: Pereat Samaria, quoniam ad amaritudinem concitavit Deum suum etc.