EX S, DOMINATIONE- COHCILII.

177

IURIUM, PRAEEMINENTIARUM ET VOCIS

IN CAPITULO.

Die 11 Ianuarii et 29 Augusti 1868.

C o m p e n d i u m f a c t i . In oppido dioecesis N. unica erat anti- quitus paroecialis ecclesia, quae deinde excrescenti populo im- par evasit. Romanus Princeps eiusdem oppidi Baro munißcen- tissimus saeculo elapso novum e fundamentis templum aedifica- vit rebus necessariis eleganter ornavit ac sacris supellectilibus apprime munivit, atque in illud opus quinquaginta circiter scu- tatorum millia impendisse dicitur.

Ut praeclari templi decorem etiam atque etiam perficeret in augmentum Divini cultus, a R. P. Benedicto XII I . Apostolicas Litteras die 1 Septembris 1725 obtinuit, quibus paroecialis ea- dem ecclesia in Collegiatam erecta est, cuius Capitulum consti- tuerent duae Dignitates, idest Abbas et Primicerius, qui ant i - quo Parocborum munere fungerentur, decem Canonici et qua- tuor Beneficiarii cum Capitulo, choro, mensa capitulari, archa, bursa, sigillo communibus. Dos pro Capitulo constituta est atque facultas eidem Capitulo tributa pro administratione et regimine eiusdem ecclesiae.

Quibus ita constitutis idem Pontifex Principi fundatori eius- que haeredibus et successoribus ius patronatus et praesentandi adscripsit, non ex privilegio Apostolico, sed ex primaeva, reali et actuali plena integra omnimoda fundatione et perpetua dota- tione laicali ex bonis mere laicalibus factis.

Exeunte praeterito saeculo quidam Antonius sup testamento haeredem fiduciarium instituens Sacerdotem Ioannem, eidem commisi t , ut haereditatem erogaret in aliquam causam piam. Ioannes officium sibi commissum apprime adimplens, proposuit erectionem duorum Canonicatuum in eadem Collegiata, quorum uni officium esset adnexum Poenitentiarii, alteri vero Theo -

r i a , tom. IP, fase. XL. 12