178 IURIUM PRAEEMINENTIARUM ET VOCIS IN CAPITULO.

logi officium dummodo tamen Princeps actualis patronus suum ne- cessarium consensum praestaret. Si autem eiusmodi consensus obti- neri non posset duas Cappellanias Episcopo erigendas proposuit.

Capitulum iuxta haeredis fiduciarii vota consensum exquisi- vit die 9 Iunii 1795 a Principe patrono, ita tamen ut eisdem Canonicis non aliud concederetur praeter sedem in choro et communia canonicalia insignia. Patronus autem inquirendum esse respondit utrum per eam erectionem sarta tectaque omnino manerent sua suorumque successorum iura, nec non an laede- rentur , quamvis in re minima, Canonicorum et Beneficiariorum iura. Hinc sexennii fere mora intercessit.

Instantes vero duo Presbyteri, iam a Ioanne designati, pro consensu Capituli et Patroni, eum ab utroque obtinuerunt: idest a Patrono, ita tamen ut erigendorum Beneficiorum possessores nullimode sese ingerere possent in negotiis capitularibus, ideo- que abessent ab omnibus sive ordinariis sive extraordinariis ca- pitularibus comitiis; pariterque ut iidem possessores postremam semper in choro sedem haberent post Canonicos ab eodem Prin- cipe nominandos : quin immo, idem Patronus addidit, ut prae- sens assensus praestitus valere deberet pro duobus dumtaxat supplicantibus, ac deinceps et in perpetuum singuli futuri no- vique Canonici consensum eumdem obtinere deberent ab actuali Collegiatae Patrono.

Pariter a Capitulo consensum obtinuerunt, ita tamen ut ne- que admittendi essent ad participanda emolumenta ex funeri- bus, Anniversariis caeterisque functionibus vel legatis Capitulo relictis vel relinquendis, neque acquirere possent ullam vocem activam seu consultivam etc.

Iuxta has conditiones a Patrono et Capitulo appositas, Pro- curator Ioannis institit penes Ordinarium, ut Instrumentum erectionis conficeretur: quod quidem confectum fuit cum dictis respectivis assensu approbatione et capitularibus legibus et reser- vationibus.

instituti itaque fuerunt novi Canonici iuxta eiusmodi leges, quae adamussim usque in praesens ab illis et ab eorumdem etiam successoribus servatae fuerunt.

Verum praesentes Canonici Theologus et Poenitentiarius, quamvis praescriptas leges hactenus servassent, tamen statum