178 REGIEN.

possumus, sive ea fuerit absoluta* sive relativa. An ambo mentiuntur ? an collusio praesumenda? nemo ex Testibus de mendacio, aut collusione verbum fecit, imo eos honestos, et verídicos esse dixerunt.

Remigius a Medicis legaliter examinatus sine ullo defe- ctu, robustus, et ad quamcumque copulam aptissimus reper- tus est, qui iam ex priori coniugio pater est filiorum, unde sub hoc respectu nihil amplius in eo desiderari potest : vir in re uxoria certe non novus, a l t i tudinem in femina se invenisse insuperabilem, et copulam incassum, et sine pene- tratione tentasse sub iuramenti religione deponit: dicemus fuisse mentitum? id prudens ratio non sinit : praeter enim physicas satis rationabiles habemus probationes in favorem Remigii. De eius probitate, honestate, et veracitate plenum ferunt omnes testimonium; ex pluribus vocatis iudicialiter testibus nemo de eius probitate, et honestate vel minimum dubitavit, in primis eius parochus ; deinde omnes ad unum ore concordi commendant vitae rationem. Eius assertio de non consummato matrimonio uxoris depositione, quae plu- rimi est facienda, manifeste comprobatur : eam vir numquam male habuit, sed adamavit, licet ab ea quoddam venenum fuerit ei infusum in cibo, et bis transfugam receperit in domo sua. Quae omnia Remigio apprime favent.

Caecilia vero quamvis honesta, religiosa, nulloque impli- cita amore a Testibus appelletur, tamen exhibetur tamquam femina levis, ignara, et modicae intelligentiae, quasi hebes : interrogata an perfecte copulam compleverit : respondit ne- que una vice tantum: aperte, et sine pudore blaterabat de Remigii impotentia ; alias tamen dictitabat publice se nescire ex qua parte existeret defectus. In primo examine interro- gata si, defuncto viro, alias nuptias esset initura, respondit affirmative, sed in privato colloquio semper novas nuptias se repudiaturam dixit. Sed quidquid sit de his satis probabili- ter de eius impotentia iudicare possumus, cum concordet Re- migii depositioni. Accedit vox populi, seu publica fama cum