178 MEDIOLANEN.

unctione totius capituli ex morte cunctorum capitularium S. Mariae Scalae, declaravit insimul extinctam qualitatem Praepositi in Capite Capituli, et ideo extinctum privile- gium insignium pontificalium, quod solummodo ob istam qualitatem indulserat Clemens VII. Proinde Curia medio- lanensis haud declaravit extinctum privilegium insignium pon- tificalium ob Capituli suppressionem, actam ex auctoritate civili; sed ex morte cunctorum capitularium, quia amplius celebrari nequibant cum solemnitate functiones pontificales ex praescriptione Sacrorum Rituum 27 Septem. 1659.

Idem Vicarius capitularis narrat quod iam anno 1883, instante Praeposito apud S. C. Rituum pro suorum privi- legiorum confirmatione, defunctus Archiepiscopus interro- gatus pro informatione et voto, maluit responsioni super- sedere, ut res oblivione deleretur, ratus privilegiorum resti- tutionem admodum inopportunam esse.

Exinde in iam citato voto suam exprimens mentem, adhaeret conceptui, in curia Mediolanensi inolito iam ab anno 1831. Notat praeterea ob Fabricae diminutos redditus Ecclesiam pene imparem evasisse ad suppetendas expensas usui Pontificalium necessarias, praecipue quia clericorum nu- merum augere deberet addicendorum servitio Ecclesiae.

Dein haec addit quod, ex causa regii patronatus, hisque in adiunctis politicis atque religiosis, fieri posset ut aditus aperiretur personis minus dignis. Quoad regii Patroni men- tem adiectum fuit, negationem privilegii, nullius discri- minis esse posse causam: nam Rex rogatus, ut instantiam plurimorum e paroecia S. Fidelis, petentium ab Apostolica Sede confirmationem eiusmodi privilegii, sua auctoritate fo- veret, supplici libello rescripsit : nihil .obstare.

Demum Vicarius Capitularis suum votum concludit am- plissimis laudibus prosecutus hodiernum Praepositum quem insignibus Pontificalibus plane dignum praedicat, quippe in omnem partem de Ecclesia optime meritum, cui nullum sane refragaretur honorem, si de eius persona quaestio esset, non vero de dignitate Parochi Praepositi.