URGELLEN. 179

aptare dignitates et canonicatus et statarias vacantes. Et valde notandum est quod non praebendas tantum sed et dignitates atque canonicatus, id est distinctos optabant et obtinebant titulos etc. ».

Ceterum Poenitentiariatum constituere non simplex ius aut fructus praebendales, sed verum titulum canonicalem •exploratissimi iuris est ; et hoc versari extra controversiam

-apud omnes canonistas, refert Barbosa op. cit., cap. 26, num. 23.

Nihilominus hoc privilegium non videtur satis firmum, quia alii capitulares contrarium, e diametro, asserunt ; et ipse Poenitentiarius innititur suam assertionem aliorum va- gae assertioni, nempe ut aiunt.

Quod ius assertum, idem Poenitentiarius non firmissi- mum esse persentit ; unde recurrit ad gratiam dispensatio- nis, ut possit retinere antiquum locum seu praecedentiam ets talium. Et hanc gratiam concedere solet S .C .C , ut in Sutrina Stalli 28 Iulii 1 7 7 0 ; sed conditionem expostulare solet ut alii Capitulares non contradicant, sed sponte as- sentiantur.

Quibus animadversis, proposita fuerunt diluenda

Dubia

I. An antiquitas ad effectum obtinendae immunitatis a .servitio chori computanda, sit a die primi canonicatus ob- tentis seu potius a die quo canonicus canonicatum actu, po s- sessum obtinuit in casu.

II. An canonicus ad caium canonicatum translatus te- neatur ad iterandum novitiatum in casu.

III. Quaenam sedes in capitulo et in choro eidem ca- nonico, ad alium canonicatum translato, debeatur in casu.

R ESOLUTIO . S. C. C. re discussa sub die 2 1 Iunii 1 9 0 1 , censuit respondere : Ad I. Dilata et exquirantur maiores in- formationes. Ad II. Affirmative. Ad III. Poenitentiario de- beri ultimam sedem, seu ultimum stallum.