165. In Nativitate Domina.

1. Psallat scholarum contio
In hoc convivio,

Sed Mariae filio
Non sit oblivio,

Nam is dat solacia

Sua bona gratia

Studentibus in trivio.

2. Extinxit ignem sceleris
Hic dator gratiae,
Exstans fructus foederis

In orbis acie,
Per quem regnant reguli
Super orbem saeculi
Cuncti in terrae facie.

3. Totius orci saeviit

Saevi potentia,
Dum puella genuit

Dei clementia,
Mundus quidem aruit,
Sed iam virens claruit

Et eius simul entia.

4. Respexit nos diluculo,
Qui ardet fulmine,
Caritatis oculo,

A caeli culmine
Venit huc, ut solveret,
Quos aestus involveret,
Christus suo fulcimine.

5. Venite ergo lilii

Hunc florem legere,

Ut nos partus filii
Possit protegere ;

Hunc omnis laicitas

Oret et clericitas,

Ut det nos secum regere.

6. Seraphin laudes concinunt

Caeli palatio,
Christo Iesu iubilent,

Quos regit ratio,
Hunc omnis deifice
Collaudet mirifice

Triplatae vitae statio.