183.

1. In te concipitur,

O virgo regia,
Is, a quo regitur

Coelestis curia,
In te dirigitur

Veibi substantia,
In te contrahitur

Carnis materia.
2. Intra te clauditur,

Qui claudit omnia,
Aeternus nascitur,

Pater ex filia,
Haud tamen sequitur,

Quin vernent lilia,
Nec ardens patitur

Rubus incendia.
3. O generatio

Novae propaginis,
Quam non corruptio

Praecessit sceleris,
Sed operatio

Divini flaminis,
Humanae vitio

Carens originis.

4. Hic te dignatio

Fecundat numinis,
Nec flore proprio

Vernare desinis,
In te fit unio

Matris et virginis,
In tuo filio

Dei et hominis.

5. Jugum malitiae

Portans alterius,
Qui sibi propriae

Non erat conscius,
Servili rabie

Liber innoxius,
Donator gratiae

Damnatur gravius.
6. Lator justitiae

Latronum medius
Matris in facie

Torquetur anxius,
Locum Calvariae

Cruentat saucius
Pendens rex gloriae

Tamquam inglorius.
7. Dum sic appenditur

Poena cum scelere,
Dum sic statuitur

Judex pro statere,
Nos, qui deprimitur,

Facit ascendere,
Lanx nostra tollitur

Descensu ceterae.
8. In se reliditur

Mors, ansa temere
Vitae, qua vivitur,

Mortem infligere,
Dum victa moritur

Pro nostro scelere,
Mors non permittitur

In Christo vivere.