166. De Nativitate Domini.

1. Tempus adest gratiae
Hoc, quod optabamus,
Carmina laetitiae
Devote reddamus.

2. Deus homo factus est,
Natura mirante,
Mundus renovatus est
Maria praegnante.

3. Ezechielis porta

Clausa pertransitur,
Unde lux est orta,
Salus invenitur.

4. Ergo nostra contio

Psallat iam in ostro ;
Benedicat Domino,
Salus regi nostro.

R Gaudete, gaudete,

Christus est natus
Ex Maria virgine,
Gaudete.