LUGDUNEN. 181

nus ta forma, neque suaves et dulces eius mores impedi- mento esse potuerunt, ne vir cum uxore coiret ; sed tota huius eventus causa impotentiae viri est adscribenda.

Quin hic officiât, iuxta patronos, pertinacis illa viri con- tumacia, quia uti tacita confessio in iure habetur; ideoque ea omnia, quae ab uxore circa hoc punctum prolata fuerunt, veluti tacite, a viro confessa haberi debent, ceu S. Congre- gatio saepissime docuit; quandoquidem in similibus causis probata ab uxoribus non consummatione matrimonii, spreta contumacia viri, dispensationem concessit. Ita in Ianuen, matrimonii 7 Septembris et 22 Iulii 1822; in Versalien. Dispensationis Matrimonii mense Iulio 1891 ; in Varsavien. Disp. Matrimonii 1 Septembris 1894, etc.

Intrinsecis hisce veritatis characteribus extrinsecum ad- dunt testimonium, a septima propinquorum manu petitum. Porro ne unus quidem ex istis reperitur qui aliquid dubii ingerat de singulari Margaritae probitate, et eius dictorum veritate, eique proinde omnis fides est habenda.

Ulterius, pergunt patroni, certius hoc factum non se- cutae consummationis evadit, si moralis certitudo addatur de viri impotentia ad coeundum. Iamvero haec praeprimis aperte scatet ex magna illa Georgii haesitatione in pervi- gilio solemnitatis matrimonii pandi ta, quando nimirum de- sponsatorum animi ad hilaritatem potius, et ad laetitiam excitantur. Confirmant ex facto uxoris, quae, ut superius relatum fuit, iurata in iudicio fassa fuit, Georgium inse- quenti nuptiarum nocte, ac deinceps copulam tentasse, et nihil egisse, imo licet per quatuor circiter mensium inter- vallum ipsa libenter marito succubuerit maritali copulae explendae, tamen eam perficere non valuisse ; et confirmant praeterea ex facto ipsius viri, qui certe non per iocum po- stero die a celebratis nuptiis, medicos adivit, instantibus socru et sponsa, eosque consuluit ad recuperandam viripo- tentiam pro habenda re uxoria.

Nec satis: evincunt etiam ex ipsius viri extraiudiciali confessione, nedum quoad inconsummationem sui matrimonii,