MACERATEN. 181

Capituli cathedralis etiam concursu eligatur, ceu consuetudo adversus disciplinare decretum Conc. Tridentini est habenda: quae quanti facienda sit, ex generali doctrina de consuetu- dine contra eiusdem concilii decreta, eruitur.

Sane, penes omnes auctores, certum retinetur principium, Pium IV, sua Bulla Benedictus Deus, quae omnia simul Tridentini capita complectitur, irritas et inanes futuras de- claravisse ordinarias consuetudines, quae leges aliquas in iisdem capitibus contentas violent.

At, num tale constitutum etiam ad privilegiatam illam consuetudinis speciem, quae immemorabilis dicitur, se re- ferat, non satis convenit apud Doctores. Plurimi enim, af- firmantem tuentur sententiam, et rationem hanc reddunt cum Benedicto XIV Inst. 60, n. 7. « Cautum satis fuit per Pium IV in ea constit., quae incipit Benedictus Deus. Illa quidem abrogat omnia quae Tridentinae Synodo contra- ria esse videantur; ideoque singula eiusdem Concilii capita simul amplectitur et nullius efficit momenti consuetudines, quae leges aliquas, in iisdem capitibus praescriptas, vio- lent ».

Idem sensit Pitonius, nam cum quaereret, utrum con- suetudo contraria immemorabilis eximeret a lege Tridenti- na, qua praescribitur concursus in provisione beneficiorum curatorum iuris patronatus ecclesiastici, rem ita conficit (De Controv. Patr. T. 1, alleg. 5, n. 4-°))\ « Enimvero con- vincitur fallacia argumenti in ipsa suppositione immemora- bilis, quae tamen in hoc articulo neutiquam dari et allegari valet. Et distinguendo tempora, aut volumus desumere im- memorabilem a parte antea, scilicet antequam superveniret •dispositio Concilii, et est impossibile ; quia cum eo tempore nondum in orbe catholico introducta fuisset nova forma pro- videndi per concursum ; consequenter non percipio quomodo nasci potuerit consuetudo seu praescriptio exclusiva formae •concursus antequam nasceretur... Aut vero desumere volu- mus immemorabilem a parte postea, scilicet post ipsius Con- cilii decretum; et pariter est impossibile; quia dato initio