189. De sancta Euphemia.
Ad Nocturnum.

1. Nunc chorus grandem vigilans beatae
Virginis pugnam referat tenellae,
Quotque pro Christo tulit haec labores
Suppliciorum.
2. Mortis haec sacrae monet ad corollas.
Roborans fratres fidei tirones
Et prior palmas cupit occupare
Martyriorum.

3. Vincla cui plantas religant manusque
Et dies septem prohibetur esca,
Paneque coeli satiatque potu
Angelus illam.

4. Tuber est vultus alapisque caesus,
Crinibus pendens agitur per auras,
Sospes a flamma relevatur ignis
Virgo decora.

5. Quas parat tortor cadit inque poenas,
Hunc rotae caedunt lacerant feraeque,
Tradita his virgo crucibusque ab illis
Libera mansit.

6. Numini trino monadi salusque,
Gloria est patri genitoque carmen,
Flamini virtus, honor aequus, idem
Compar utrique.

Ad Laudes.

1. Pange, Chalcedo, resonaque psalmos,
Vocibus clames hominum canendo,
Virginum coetus superique psallant
Carmine laeto.

2. Virgo transfixa latus occiditque

Ense, quam Christus thalamo locavit,
Nuptias cum qua celebrat sacratas
Sidere in alto.

3. Diva ubi fulges radiante luce,
Laurea, gemmis, redimita sertis,
Candida stola rubeoque amictu
Tota decora.

4. Sponsa tu Christi, speciosa amica,
Tu Dei templum, soror angelorum,
Virgines inter pia martyrumque
Agmina gaudes.

5. Ecce nos laeti famuli precamur,
Filium celso genitoris ora,
Abluat peccata, ferat ut superna
Gaudia nobis.

6. Numini trino nionadi salusque,
Gloria est patri genitoque carmen
Flamini virtus, honor aequus, idem
Compar utrique.