179. De sancto Georgio.

1. Ave, Quiritum gloria,
Ave, martyrum victoria,
Ave, lux thronorum,
Ave, dux patronorum,
5. Ave, melite proeliator,
Orthodoxe propagator,
Inclitus et gloriosus,
Nulla quippe labe rosus,
Strenuitate fulcitus,

10. In latria sistens citus,
Georgi sanctissime,
Moribus gravissime,
Tu illaesus permansisti,
Dum virtute Jesu Christi

15. Intoxicatum bibisti,

Unde magum convertisti.
O rex, spretor mundanorum,
Frivolantur vires quorum,

Quanta luce corruscasti,

20. Virginem dum liberasti
Mortis ab exitio
Fidei mysterio,
Draconem interficiendo,
Ob hoc regem convertendo.

25. Ex quo nobilissimus,
Cunctis potentissimus,
Certe nobilis equester,
Inter me et hos tres hostes
Coeli defende ut postes,

30. Carnem, daemonemque mun-
dum.
Fac me iter ire mundum
Et sic jube militare,
Coelum possim ut intrare,
Tuo sancto sub vexillo

35. Locans nos tunc in tranquillo.