182 LUGDUNEN.

sed et quoad statum suae impotentiae eiusque characteres, quae haud leve pondus, et vim habet, cum nemo in sui da- mnum mendax esse putetur. Concinunt his omnibus non- nulli alii testes iurati ; proinde concludunt oratores, sponte veluti sua fluere mulieris claustrum virgineum, incorruptum permansisse, et Margaritam virginem impollutam a tot mariti amplexibus discessisse.

Verum id uti lux meridiana emicare contendunt patroni ex Margaritae corporis inspectione, quam iuxta Canones et Benedictinam Constitutionem, necnon S. C. Congregationis instructionem esse feliciter peractam commemorant.

Haec itaque de matrimonii inconsummatione : ad causas vero dispensationis oratores descendentes, has recensent : prima est dubia vel probabilis alterutrius coniugis impo- tentia, quae sola, et unica iugiter habita fuit, uti iustissima, gravissima et ad matrimonii dispensationem obtinendam satis superque sufficiens. Ad rem Sánchez lib. 2, disp. 16, n. 6. Cosci lib. 1, cap. 16, n. 197, ac lib. 3, cap. 2, n. 386. - Ibi - « quando impotentia adstruitur pro'motivo, et causa gratiosae dispensationis, non illam exigit certam et conclu- dentem probationem, sed satis est, quod dicta impotentia sit adeo probabilis, ut Summus Pontifex illam veram exi- stimare possit, et ad gratiam moveri ».

Huic causae alteram non minoris gravitatis adiiciunt, scilicet incontinentiae periculum. Agitur enim in casu de muliere in aetate fiorenti 27 annorum constituta, de muliere vitae coniugalis cupida, cui si hoc remedio non subveniatur, procul dubio exposita maneret incontinentiae periculo, quod saepissime peccata, et scandala confo vere experientia docet. Hinc aeternae huic salutis discrimini occurrendum esse dispen- sationis indulto antequam scandala eveniant DD. unanimiter docent ac praesertim Cosci lib. 3, cap. 2, num. 107; - ibi - « Non est expectandum ut veniant scandala ad praestandum remedium ; sed cum praevidentur, sive timentur ad paternum Supremi Ecclesiae Moderatoris officium spectat, imminentibus malis opportune providere ».