178. De s. Clemente Metensi.
Ad Vesperas.

1. Gaudet chorus coelestium
Sancti Clementis gloria,
Psallat turba Metensium,
Beata nobis gaudia.

2. Clemens Christum intellexit,
Natum Maria virgine,
Metensibus hunc transvexit
A solis ortus cardine.

3. Fidem monstrat virtutibus
Clemens et per miraculum,
Metim mundatam anguibus
Agnoscat omne saeculum

4. Dum natam regis suscitat,
Metenses fidem subeunt,
Et dum idola fugitat,
Vexilla regis prodeunt.

5. Data lege Metensibus
Omnes replentur gaudio,
Clamitant junctis manibus:
Jesu, nostra redemptio.

6. O gloriose pontifex,
Absterge labem scelerum,
Adsisque nobis opifex,
Conditor alme siderum.

7. Quod nobis praestet genitor
Et genitoris genitus,
Tu par utrique conditor,
Veni, creator Spiritus.