185.

1. Ave, maris stella,
Ave, stella maris,
Verbi Dei cella,

Virgo singularis,
Integra puella,

Quae non violans,
In quam lux novella,
Radius solaris

Descendit ut pluvia.

2. Sumens illud Ave,
Quod habetur isti
Mundo tam suave,
Deum concepisti
Sine viri clave,

Et cum perperisti,
Non tulisti grave,
Virtus in te Christi
Descendit ut pluvia.

3. Solve vincla reis
Et ab eo pete
Veniam pro eis,

Qui natus est de te,
Natus cum Hebraeis,

Per quem venit laete
Salus ex Judaeis,
Per illud prophetae:
Descendit ut pluvia.

4. Monstra te sic esse
Matrem, virgo pia,
Quod, quando necesse,

O dulcis Maria,
Venerit expresse
Judice Messia,
Valeas prodesse,
In quam vitae via
Descendit ut pluvia.

5. Virgo singularis,

Sancta Dei parens,
Mater expers maris

Et peccato carens,
Tu benedicaris,

In quam virtus clarens
Nostri salutaris
Gentibus apparens
Descendit ut pluvia,

6. Vitam praesta puram,
Iter para tutum
Ad vitam futuram,

Esto nobis scutum
Contra mortem duram

Et inferni lutum,
Habe nostri curam,
In quam rex virtutum
Descendit ut pluvia.

7. Sit laus Deo patri,
Qui filium misit,
Qui captivos atri

Carceris exmisit,
Quando Deo fratri
Populus arrisit,
Hic Deus, quem matri
Angelus promisit,
Descendit ut pluvia.