LUGDUNEN. 183

Hisce tandem addunt adversionem animorum ex facto impotentiae Georgii provenientem. Ursaya discept. 21, n. 60 et seq. tom. 3, par. 2, et discept. 7, n. 76, 77 tom.. 3, par. 1.

Profecto omnes Margaritae parentes huiusmodi dispen- sationem necessariam esse unanimiter tenent, ac proclamant..

Tandem ipsa Margarita dispensationem vehementer exo- ptat ob viri sui impotentiam coeundi, eo quod ab ea sanari nequit, et quia est causa suae infirmitatis atque infelicitatis.

ANIMADVERSIONES SACRAMENTI ASSERTORIS. Sacramenti vindex e contra imprimis observat, quomodo, posita pacifica coniugum per complures menses cohabitatione, matrimonium violentissima iuris praesumptione consummatum censeatur : et de vinculi coniugalis relaxatione agere nefas est, nisi inconsummati matrimonii scateat certitudo, ceu constanter tradidit S. C C . ac praesertim in Mediolanen, seu Valentina matrim, die 18 martii 1722: « Quamvis dispensatio sit gratia, tamen non habet locum, nisi cum certitudo adest matrimonii tantum rati et non consummati ; adeo ut causa haec de dispensatione sit magis rigorosa uberioresque exigat probationes, quam illa de nullitate ».

Praesenti autem in causa, prosequitur defensor, neque asserta viri impotentia, neque mulieris integritas virginalis, neque inconsummatio matrimonii ad iuris amussim demon- stratur. Ea quae sive ad unum sive ad alterum confirman- dum in medium afferuntur argumenta nec ineluctabilia sunt, nec concludentia: imo complura quae ad veritatem digno- scendam necessaria omnino sunt atque a lege praescripta, pars adversa, cui probandi onus, ceu compertissimum est, incumbit, producere minime fuit sollicita, et iudex inquisitor atque sacramenti vindex taciti illa praetereunt. Ut hoc évin- çât singulorum testium depositiones excutit vindex.

Insuper saepe dicti testes, notat matrimonii assertor, inducti ab actrice omnes sunt. Iam vero in quolibet iudicio depositiones testium ab actore inductorum haud in pretio habentur, nisi prius cribrentur per testes ex altera parte al-