1B4 Acta Apostolicae Sedis - Commentarium Officiale

diutissime sospitet, ad augendum animarum fructum ac celebrationis

splendorem, facultatem tibi damus ut, sollemni die, adstantibus nomine

Nostro benedicas, plenam admissorum veniam eisdem proponens, usitatis

Ecclesiae conditionibus lucrandam. Atque in caelestium donorum auspi-

cium itemque in praecipuae voluntatis Nostrae signum, apostolicam bene-

dictionem, tibi, venerabilis frater, Episcopo tuo Auxiliari, universoque clero

ac populo peramanter in Domino impertimus.

Datum Romae apud Sanctum Petrum, die in mensis Aprilis anno

MDCCCCXXVII , Pontificatus Nostri sexto.

PIUS PP. X I

I V

AD R. P. D. GEORGIUM AMBROSIUM BURTON, EPISCOPUM CLIFTONIENSEM,

X X V EPISCOPATUS ANNUM CELEBRATURUS.

PIUS PP. X I

Venerabilis frater, salutem et apostolicam benedictionem. - Peculiari

quodam'amore, uti patet, communis Pater sacrorum Antistites prosequitur,

et quaecumque eisdem accidere possunt, secunda vel adversa, toto animo

participat. Quamobrem facile intelliges, venerabilis frater, quam libenter

Nos didicerimus annum te proxime celebraturum esse quintum et vicesi-

mum ex quo ad episcopatus honorem evectus es; siquidem occasionem

Nobis praestat huiusmodi eventus non modo praeclaram Nostram de te

opinionem ostendendi, sed etiam paternam admodum tibi benevolentiam

testandi. Non enim incompertum Nobis est qua tu semper pastorali soller-

tia Istius gregis bonum curaveris, imprimisque pietatem in populo fovendo,

sanctimonia vitae clero tuo praeeundo, recte puerorum animos confor-

mando; cumque diligentia simul et scientia egregie niteas, et Curiam istam

tabulariumque in ordinem redigenda iussisti et episcopalem domum pre-

tiosis rebus, supellectile sacra librisque omne genus instruxisti. Merito

igitur quotquot sunt virtutis tuae spectatores, maximeque filii tui amantis-

simi, valde tibi de faustitate rei gratulantur, lectissima quaeque exoptan-

tes. Nos vero haec tuorum omina votis Nostris quasi cumulantes, id nomi-

natim a Deo tibi precamur ut istum laboris tui campum suae gratiae rore

fecundans, perpetuis te velit consolationibus recreare, in spe quidem aeter-

nae mercedis. Quo autem faustae rei recordatio augustior fiat gregique tuo

fructuosior, facultatem tibi concedimus ut sollemni die, sacris operatus,