184 LUGDUNEN.

latos. Hanc ob causam in cit. Instructione S. C. Congrega- tionis diei 22 Augusti 1840 cavetur : « procedendum erit ad examen septimae manus, hoc est septem propinquorum ex utroque latere ». Nec obiicias, ait ipse, id adscribendum esse culpae Georgii, qui ad iudicem rescribit sese nolle adesse iudicio super hanc rem. Etenim primo Georgius haud erat in iudicium vocandus, quasi ageretur solummodo de suis protuendis iuribus, sed praemonendus etiam erat, quod res est de sanctitate sacramenti in discrimen adducta; et proin ipsi praeprimis onus incumbebat facta, prouti iacent, denun- tiandi ad iudicem et designandi testes ad quos factorum no- titia pervenisset. Deinde si Georgius, hac non obstante mo- nitione, contumax perstitisset, iudicis atque sacramenti vin- dici s erat testes de re instructos ex officio inducere. At nec unum, nec alterum praestitum est.

Praeterea, urget defensor, inspectio in mulieris corpore, expleta non est iis adhibitis cautelis, quae a lege praescri- ptae sunt, ut exploratores nec decipi, nec decipere queant. Monet enim Sánchez De matrim, lib. 7, disput. 108. n. 8: « Saepe oculi et manus (explorantium) falluntur : eo vel maxime quod feminae multis utantur fraudibus, quibus vir- gines appareant ». Et Zacchias quaest, medie, legal, lib. 3, tit. 2 tradidit : « Quoniam interdum pro veritate medicus interrogatur, ut de integra, seu violata virginitate senten- tiam ferat, ne ex simulata per haec medicamenta decipiatur in iudicando, paucula haec quae sequuntur animadvertere debet. Et primo debet... non ea solum, quae ex muliebrium vasorum constitutione desumuntur perpendere, sed alia quo- que, quae ex mammarum, pectoris, ventris, totiusque denique corporis statu elicere licet... » At praesenti in casu medici cognitores muliebria tantummodo considerarunt, praetermissa aliarum mulieris corporis partium investigatione. Ne medici cognitores, qui ceteras corporis partes, praeter muliebria, non considerant, decipiantur timendum est non solum ob memoratum fraudis periculum, sed etiam ob alias causas omnino naturales, quas recenset antedictus Zacchias lib. 4,