184 EX S. C. CONCILII

respondere, cuius gerit veluti personam, et exercet manda- tum. Alter deputatus a Clero non minore praestare debet diligentia ut congrue satisfaciat mandato sibi commisso a clero, cuius vehementer interest prudens Seminarii regimen; siquidem ut ait Trid. cit. loc. « hoc collegium Dei mini- strorum Seminarium est ». Proindeque Trident. Concilii con- silium fuit, nobilem excitare et fovere aemulationem inter quatuor deputatos, quorum duo ab Episcopo, alter a Capi- tulo, alter a clero eligantur. Ast sapientissimum Concilii propositum in irritum cadit si semel probaretur controversa consuetudo.

Ceterum, si aliquando S. C. C. indulsit, peculiaribus ex adiunctis, ut electio deputati a clero facienda, aliquantisper deflecteret a lege Tridentina, hoc edictum fuit ob rationabi- lem causam. Ita, cum Episcopus Hollandiae S. C. de Pro- paganda Fide exposuerit, Seminaria suae dioecesis non in civitate, sed in aliis locis sita esse, et duos deputatos qui ex praescripto Concilii Tridentini de clero civitatis assu- mendi sunt, aliunde eligi ; unum nempe per Episcopum eligi « alterum vero per Decanos tanquam repraesentantes totius cleri »: hinc quaesitum fuit utrum haec agendi ratio pro- bari ac tuto retineri possit. Et S. C. C. cui tale negotium commissum fuit: sub die 21 Iunii 1879 respondit: Attentis peculiaribus circumstantiis, Affirmative.

Quoad alterius dubii quaestionem, haec adnotanda. Ex cap. 41 et 42 Decret. Greg. IX De elect. deduci-

tur, quod absentes electores propter legitimum impedimen- tum, per constitutum procuratorem habentur quasi praesen- tes et eligere possunt. In hisce decretalibus autem res est de solemnitatibus religiose observandis ab electoribus eccle- siasticis, sed istae locum sibi vindicant tantummodo in eli- gendis praelatis sive saecularibus sive regularibus : quippe earum omnium observantia non exigitur in electionibus ad beneficia minora, nec a fortiori in illis officiis electivis, pro rei alicuius temporalis aut spiritualis administratione con- stitutis.