180. Re sancta Barhara.

1. Laus tibi, Christe,
qui es castorum
candor nitens
pureque coruscans,

2 a. Quo electas plene
ac serene
illuminas,

2 b. In caelesti throno
dulci sono
dum visitas.

3 a. Quae mundum vere
sprevere,

tibi adhaeserunt

3 b. Ac furibundi
tunc mundi

vana contempserunt.

4 a. Ac enodasti,

dam rite probasti,
firmatam mentem

hic Barbarae virginis,

4 b. Cum optimates
ac terrae magnates
domum quaeritant
Dioscori satrapis,

5 a. Natam requirentes,
suo nato petentes

hanc tradi in coniugem.

5 b. Quae sprevit nuptias
Deo reddens gratias,
cuius colebat amorem.

6 a. Idola respuens
patris sui,
in ea exspuens
[fecit] rui,
tunc Deum
adorat
trinum et unum

sincere (et) implorat.

6 b. Quod pater agnoscens
in furore
filiam insequens,
cum tremore
quae velox
evadens,

in terram cadens
et Deum decorat.

7 a. Pastores pascentes
gregem ferocesque
Deum nil metuentes

7 b. Produnt deicolam
et ovicularum
sumunt maledictionem.

8 a. Nata inventa,
manu retenta,
quae vixit

salva a crimine,

8 b. Ipsam plagavit
crines ac stravit,
corpus lavit

eius in sanguine.

9 a. Praesidi tunc praesentatur,
per eam fides non negatur,

9 b. Firmiter sed comprobatur
multiplex poena irrogatur.

10 a. Carcere reponitur,
Christus conspicitur
sanans aegrotam
ac devotam,

spondens et coronam.

10 b. Laetabunda grates reddens
ferventer sponsum petens,
memoriam
agens suae

passionis vivat gaudens,

11a. Crimine salvo
in alvo
matris ecclesiae

tibi ut placeat perfecte.

11b. Capite sacro
truncatur,
pessime necatur

suum per patrem minus
recte.

12. salvator, per preces vernae
in aula tua cerne,
qui functam hanc colimus
laudesque eius psallimus.