185. De s. Angelo Custode.

Ad Matutinum.

1. Ave, custos dulcis mens,

Angele piissime,
Cui me totum dedit Deus,

Rege fidelissime,
Ne sim malis mortis reus,

Vivere sanctissime
Fac me semper, rector meus,

Et mori laetissime.

Ad Laudes.

2. Ave, Christi delegate

Ad mei custodiam,
Dulcis angele beate,

Per divinam gloriam,
De caelesti pietate

Iugem da memoriam
Et cum omni sanctitate

Vincere malitiam.

Ad Primam.

3. In me per te roboretur

Fides, spes et caritas,
In me semper dominetur

Tota sancta trinitas,
In me Christus epuletur

Et eius suavitas,
In me tandem reveletur

Et felix aeternitas.

Ad Tertiam.

4. Sana pectus suspirantis

Gemitu gravissimo,
Educ viam supplicantis

De torrente pessimo,
Ut sit grata maniis dantis

Iesu clementissimo,
Cuius visu me formantis

Fruar beatissimo.

Ad Sextam.

5. Pastor bone, memor esto

Ovem tuam pascere,
Illi semper sic adesto,

Ut, dum lupus rapere
Temptat eam, tu sis praesto

Mox illam eripere.
Quam praesentes illi festo,

Quod nequit deficere.

Ad Nonam,

6. Ave, sacer spiritalis

Amicorum intime,
Comes, dux et rex . , ,

Corporis et animae,
Esto mihi dux vitalis

Et a culpis exime
Atque me de cunctis malis

Hora mortis redime.

Ad Vesperas.

7. Des iugiter exstirpare

Semina zizaniae,
Verba vitae seminare,

Pacis et concordiae,
Proximum aedificare

Per opus iustitiae,
Cunctos hostes debellare

Cum palma victoriae.

Ad Completorium.

8. Pie pater, me digneris

Protegere tenere,
In adversis recorderis

Me nunquam deserere,
De errore memoreris

Ad te me reducere,
Ne depascar ab his feris,

Quae me volunt perdere.