185

EX S. CONGREGATIONE INDULGENTIARUM ET SS. RELIQUIARUM

URBIS ET ORBIS

DECRETUM quo Indulgentiae, recitationi latinae parvi Officii B. M. V. adnexae, ad eiusdem vulgarem privatam recitationem extenduntur.

Quamvis S. C. Indulgentiis Sacrisque Reliquiis praeposita in una Sebenieen. sub die 13 Septembris 1888, expresse edixe- rit, non expedire ut extenderentur ad recitationem parvi Offi- cii B. Mariae Virginis, in quodcumque vulgare idioma trans- lati, Indulgentiae a RR. PP. adnexae recitationi eiusdem Offi- cii, uti illud prostat in fine Breviarii Romani; nihilominus in- stantius ab hac eadem S. Congregatione expostulatum est, ut praefatam Indulgentiarum extensionem concedere dignaretur, hisce potissimum de causis, quod hac nostra aetate latini ser- monis quamplurimi sint omnino ignari, ususque in pluribus catholici Orbis regionibus iam inoleverit, hoc Officium recitandi lingua vernacula expressum, et admodum difficile foret fideles ab hoc usu retrahere.

Quare haec S. C. sequens postulatum denuo examinandum duxit:

« An, non obstante Decreto in una Sebenieen. diei 13 Se- « ptembris 1888, expediat Indulgentias a RR. PP. concessas « Christifidelibus recitantibus parvum Officium B. Mariae Vir- « ginis, uti extat in fine Breviarii Romani, extendere ad illos, « qui idem Officium recitaverint in aliam linguam translatum, « praevia recognitione et approbatione Ordinarii loci, ubi vul- « garis est lingua ? »

Et Eiïii Patres ad Vaticanum coadunati die 18 Augusti 1903 responderunt:

Affirmative pro privata tantum recitatione. SSmus vero Dnus Noster Pius PP. X. in Audientia habita die

28 Augusti 1903 ab infrascripto Cardinali, Praefecto sententiam Emorum Patrum approbavit, et Indulgentiarum petitam exten- sionem benigne concessit.

Datum Romae ex Secretaria eiusdem S. Congregationis die 28 Augusti 1903.

A. CARD . TRIPEPI, Praefectus. L. * S.

Pro R. P. D. FRANCISCO , Arch. Amiden., Secret. IOSEPHUS M. Canonicus COSELLI, Substit.