Abyssinen. i 8 5

EX S. CONGREGATIONE RITUUM

ABYSSINEN.

Decretum beatificationis et canonizationis Ven. Servi Dei Iustini de Iacobis, Episcopi Nilopolitani et Vicarii Apo- stolici Abyssinensis, e Congregatione Missionis S. Vin- centii a Paulo.

Praecepto quod Dominus Noster Iesus Christus dedit di- scipulis suis, ut sese invicem diligerent sicut ipse dilexerat eos, aliud novissimum adiecit mandatum quo sicut missus a Patre et ipse discipulos mittens, in universum mundum eos abire, gentesque docere et baptizare iussit, promissa cum suo perenni auxilio alterius Paracliti seu Spiritus Sancti virtute. Quo munere sancte perfuncti Apostoli virique Apostolici a primordiis Ecclesiae usque in praesens divinam Iesu Christi missionem in Fidei ipsiusque Ecclesiae propagatione iugiter ostenderunt. Ex his recensendus est Iustinus de Iacobis e Congregatione Missionis, Episcopus Nilopolitanus et Vicarius Apostolicus Abyssinensis qui ceteros Apostolicos viros aemu- latus sanctitatis et virtutis fama ita praefulsit, ut dignus sit habitus illustri condecoran testimonio cl. me. Cardinalis Mas- saia tunc temporis Vicarii apud Gallas, a quo et Episcopus consecratus et veluti exemplar et magister missionariis pro- positus fuit. Dei Famulus in oppido S. Fele, Muranae dioe- ceseos, ex Lucania provincia, ex piis honestisque parentibus in lucem editus die 9 octobris anno 1800, sacro lustratus est lavacro, indilo nomine Iustino. Fervidam sortitus indolem et ad virtutem proclivem, novennis ad sacram synaxim ac- cessit, novisque auctus scientiae pietatisque incrementis, quum