181. De sancta Barbara.

1 a. Martyris egregiae
Triumphos ecclesiae

Vox decantet, Barbarae;

1b. Omnis surgat musica.
Nova cantet cantica
Tuba vocis, citharae.

2 a. Haec aetate tenera,
Nulla verens aspera,
Fidelis Chrislicola

2 b. Turris in custodia
Freta Dei gratia
Patris frangit idola.

3 a. Omnibus spectaculum
Hodie signaculum

Crucis indit marmori ;

3 b. Unde pater timidus,
Tamquam fera rabidus
Cum furit facinori,

4 a. Spatam profert impius,
Ut trucidet citius

Servam Dei supplicem.

4 b. Virgo fugit igitur
Et foris eripitur
Montis super verticem.

5 a. Ausu temerario
Patri pastor impio

Hanc demonstrat digito,

5 b........

6 a. Catenata trahitur

Et torquenda traditur
Praesidi provinciae.

6 b. Christum Deum astruit,
Deos falsos conspuit
Praesidis in facie.

7 a. Atrox poenis implicat
Et ardentes applicat
Lampades lateribus ;

7 b. Vestibus exuitur,

Malleo frons caeditur
Abscissis uberibus.

8 a. Hanc ora devotius,
Ut Deus propitius
Eius preces audiat,

8 b. Et qui memor fuerit
Eius, cum obierit,
Veniam [recipiat].